دامن کرپشن سے پاک ہے، شہبازشریف کا دعویٰ

لاہور: وزیراعلیٰ پنجاب شہبازشریف نے کہا ہےکہ ہمارا دامن کرپشن سے پاک ہے اور شفافیت مسلم لیگ (ن) کا طرہ امتیاز ہے۔ وزیراعلیٰ پنجاب محمد شہبازشریف سے اراکین اسمبلی نے ملاقات کی جس میں موجودہ ملکی سیاسی صورتحال سمیت دیگر امور پر تبادلہ خیال کیا۔ اس موقع پر گفتگو کرتے ہوئے شہبازشریف نے کہا کہ شفافیت مسلم لیگ (ن) کی حکومت کا طرہ امتیاز ہے اور ہمارا دامن کرپشن سے پاک ہے، ہم نے ترقیاتی منصوبوں میں اربوں روپے کے وسائل بچا کر نئی مثال قائم کی ہے جب کہ ہمارے دور میں منصوبے رفتار اور معیار کے ساتھ مکمل کیے گئے۔ شہبازشریف نے کہا کہ عوام کی خدمت کے لیے مٹی کے ساتھ مٹی ہونا پڑتا ہے، عوام کی خدمت کھوکھلے نعروں سے نہیں ہوتی، بے بنیاد الزامات لگانے والے ملک وقوم کی خدمت نہیں کررہے، منفی سیاست کےعلمبردارعوامی خدمت کے جذبے سے عاری ہیں۔

اس خبر پر اپنی رائے کا اظہار کریں

اپنا تبصرہ بھیجیں